2012-04-26 Leire Bilbao

Datorren ostegunean, apirilak 26, gaueko 21:30etan, Kafe Toreron izango dugu Leire Bilbao idazle ondarrutarra poesia errezitaldia eskaintzeko. Ondoan izango du, laguntzaile, Domentx Uzin musikaria.

Errezitaldi honen jatorria Leire Bilbaok idatzitako Scanner poesia-liburua da (Susa, 2011); berak esaten duenez, izebari hamaikagarren aldiz belaunean eskanerra egitera lagundu zionean bururatu zitzaion izena da; bere aurreko poesia-lana Ezkatak (Susa, 2006) izan zen eta, harekin alderatuz, azkeneko lana biribilagoa omen da, ausartagoa eta zuzenagoa bai forman eta bai edukian. Nolabait esateko, soiltasunaren aldeko apustua egin du. Introspekzio ariketa bat ere egin du lan honetan: ingurura begira jarriz sei atal idatzi ditu, bakoitza gai baten inguruan. Dena dela, identitatea da dena lotzen duena: "Hemengo eta oraingo norbanako batena, batzuetan, emakume ahots nabarmenarekin".

Informazio gehiago: www.susa-literatura.com 

• Nor: Leire Bilbao (poeta); Domentx Uzin (musikaria). 


• Non: Zarauzko Euskalduna tabernan.


• Noiz: apirilak 26, osteguna, 21:30etan.